დღე 9

ტრენინგის  დასასრული,  ემოციური  დღე  ყველასთვის,  პრეზენტაციამდე  კიდევ  რამდენიმე  დავალება  გავაკეთეთ.  შევამოწმეთ  ჩვენი  პორტფოლიო  და  ბლოგზე  გადავიტანეთ.  შემდეგ  პრეზენტაცია  გავაკეთეთ,  სურათები  გადავიღეთ,  ჩვენმა  ძვირფასმა  ნათიამ  ,,დაგვასაჩუქრა"  სერტიფიკატებით. რომ  გენახათ,  რა  საყვარელი  იყო  დამშვიდობებისას,  ცრემლებს  ძლივს  იკავებდა.  დიდი  სითბოთი  და  სიყვარულით  დავემშვიდობეთ  ერთმანეთს.  ძალიან  მომენატრებით  გოგონებო  და  დიდი  წარმატებას  გისურვებთ.  მიყვარხართ  ყველა.  

პროექტი ,,გზა ევროპისკენ"

პროექტი  ,,გზა  ევროპისკენ"

დღე  8.
 21  დეკემბერი.  ტრენინგის  მერვე  დღე. უკვე  დასასრულისკენ  მიდის  ჩვენი  მუშაობა,  ამიტომაც  დღეს  განსაკუთრებულად  ბევრი  ვიმუშავეთ ( თუმცა  ბევრი  მუშაობა  არც  ადრე  გვაკლდა,  სხვა  ტრენინგებზე.  დღეს  ვაწარმოეთ  პორტფოლიოს  ჩეკლისტი, პროექტის  გეგმას გადავხედეთ,  ვიმუშავეთ  განმავითარებელ  შეფასებებზე, ფასილიტაციის  დოკუმენტზე.  საშინაო  დავალებაც  გვაქვს,  რა თქმა  უნდა,  დავასრულოთ  პროექტის  გეგმა  და  პრეზენტაცია,  გადავუგზავნოთ  ნათიას.  ხვალ  პრეზენტაციის  დღეა,  ვნახოთ,  რა  იქნება  ხვალ.

დღე  7

დღეს  15  დეკემბერია,  ზამთრის  ერთ–ერთი სუსხიანი  დღე,  ისევ  ინტელის  ტრენინგზე  ვართ,  სადაც  ნათია  ჩვეული სითბოთი  და  მზრუნველობით  შეუდგა  ყავითა  და  ჩაით  მომსახურებას  და  შემდეგ  უკვე  აქტიურ  რეჟიმში  გადავიდა  მუშაობა.(  ხო,  მართლა,  კინაღამ  დამავიწყდა,  ,,ტრენინგის  კოლორიტების"  ნინოსა  და  ლეილას  პაექრობა,  რამაც  ძალიან  კარგ  ხასიათზე  დაგვაყენა  და  სუსხიანი  ზამთარი  დაგვავიწყა.......დროებით.  ბევრი  ვიმუშავეთ,  ჯერ  ,,ვიუერის"  სახელმძღვანელოში  მე–6  მოდულზე.  გავიხსენეთ  გარდნერის  ,,მრავალმხრივი  ინტელექტის  თეორია",  ვისაუბრეთ  დიფერენცირებულ  სწავლებაზე.  პროექტის  გეგმაში  შევავსეთ  დიფერენცირებული  სწავლების  ნაწილი. დავიწყეთ  მუშაობა  მოსწავლის  მხარდასაჭერ  დოკუმენტზე,  რაც  სახლში  მოგვეცა  დასასრულებლად.  საშინაო  დავალებად  ასევე  გვაქვს  მოვიტანოთ  პროექტისთვის  საჭირო  აქტივობები.(  ფურცელზე  დაწერილი).მოკლედ,  რაც  უფრო  კულმინაციისკენ  მიდის  ტრენინგი,  უფრო  დატვირთულია  და  საინტერესო.

დღე  6
 ტრენინგის მეექვსე დღეს კიდევ ერთხელ გავიხსენეთ არა მარტო წინა ტრენინგზე გაკეთებული, არამედ საერთოდ ყველა ტრენინგზე შექმნილი მასალა. აღმოჩნდა,რომ კარგად და პროდუქტიულად გვიმუშავია. შემდეგ, შევქმენით მოსწავლეთა სავარაუდო ნაშრომი ჩვენს პროექტთან დაკავშირებით. მე სლაიდებზე დავიტანე ეს დავალება. შვავსეთ გეგმის შემდეგი ნაბიჯიც.თანდათან პროექტის გეგმა სისრულეში მოგვყავს. ამის მერე ვისწავლეთ youtube – დან ვიდეოფაილის გადატანა ბლოგზე .როგორც ყოველთვის დღევანდელი დღეც საინტერესო იყო. წარმატებებს ვუსურვებ  ჩემს  თანაჯგუფელებს.

21-ე საუკუნის პროექტი

დღე 6

დღე  5
ისევ  ტრენინგი,  ისევ  იმედისმომცემი  სიტყვები  ჩვენი  საყვარელი  ტრენერის,  ზამთრის  ამ  სუსხიან  დღეს  სითბოთი  და  სიყვარულით  რომ  გვავსებს.....ცხელი  ყავისა  და  თბილი  სიტყვების  შემდეგ,  დავდექით  მუშაობის  განწყობაზე,  გავიმეორეთ  ის  მასალა,  რაც  ნასწავლი  გვქონდა,  ვიმუშავეთ  ციტირებულ  დოკუმენტებზე,  საავტორო  უფლების  მოპოვების  გზებზე,  მოვახდინეთ  საქაღალდის  ორგანიზება.  გავაკეთეთ  პრეზენტაციები  საპრეზენტაციო  პროგრამა  power-point-ში  და  ეს  პრეზენტაცია  გადავიტანეთ  ბლოგზე.  საკმაოდ  საინტერესო  ტრენინგი  იყო,  დავიღალეთ,  მაგრამ  ნათიასი  უფრო  მიკვირს,  ალბათ  არასოდეს  იღლება. ჯგუფი  ძალიან  კარგია,  მსიამოვნებს  ამ  სახეების  ნახვა  ყოველ  შაბათ–  კვირას.

დღე 5 - პროექტის გეგმის პრეზენტაცია

დღე 4
კვლავ  ინტელის  ტრენინგზე  ვართ,  ისევ  ნათიას  იმედისმომცემი  სიტყვები, რომ  ყველაფერი  კარგად  იქნება  და  ჩვენი  პოზიტიური  განწყობაც.....ძალიან  შრომატევადი  ტრენინგი  იყო:  ვისწავლეთ,  როგორ  კეთდება  ბლოგზე  პოსტები  და  კომენტარები,  ვისწავლეთ  ბლოგზე  ჩანართების  გაკეთება,  ვიმუშავეთ  პროექტის  გეგმებზე,  შეფასებებზე.  გუგლ  დოკებში  გავაზიარეთ  რუბრიკა:    ვიცი,  მინდა  ვიცოდე,  ვისწავლე,  მართლაც  ძალიან  შრომატევადი  იყო,  დავიღალეთ...ძვირფასო  კოლეგებო,    წარმატებებს  გისურვებთ  ყველას.

დღე  3


1  დეკემბერია,  ტრენინგის  მესამე  დღე. რა თქმა  უნდა  ტრენინგი  ისევ  ისეთივე  მოტივაციის  შექმნით  დაიწყო  ნათიამ,  როგორც  სჩვევია,  გავიმეორეთ  წინა  ტრენინგებზე  ნასწავლი  მასალა.განვიხილეთ  ვიუერის  სახელმძღვანელოს  მეორე  მოდულის  სტანდარტებისა  და  მიზნების  რუბრიკა,  ვნახეთ  განახლებული  ბლუმის  ტაქსონომია,  რომელიც,  როგორც  ტრენერმა  გვითხრა,  დაგვეხმარება  სტანდარტების  განსაზღვრაში.  ვიმუშავეთ  გონებრივი  იერიშის  სქემაზე,  კერძოდ,  ზოგად,  თემატურ  და  შინაარსობრივ  კითხვებზე.  წყვილებში  კი  ვმუშაობდით  და  საკმაოდ  აქტიურადაც,  მაგრამ  აზრს  ვუზიარებდით  ერთმანეთს  და  ეს  თანამშრომლობა  ძალიან  საინტერესო  იყო,  ვთვლი  პოზიტიური  დღე  იყო,  დაღლილობის  მიუხედავად.  ტრენინგი  თანდათან  მომწონს  და  მიხარია  თანდათან  საინტერესო  რომ  ხდება  ჩემთვის.  

დღე 2
ტრენინგის  მეორე დღეს  ვიმუშავეთ ვიუერში პუბლიკაციებზე.თითქმის  ყველას  გვქონდა  საპროექტო  იდეა,  რაც  ითვალისწინებდა  ბროშურების  შექმნასაც.სახელმძღვანელო  ვიუერში  მოვძებნეთ  რესურსების  გვერდში  ბროშურების  შაბლონი,  ამის  მიხედვით  შევქმენით  ბროშურები. ტრენერმა  სახლში  გამოგვაყოლა  პატარა  დავალება, რომელიც  უნდა  შევასრულოთ.